بحبك

الاثنين، 29 يوليو 2013



هو انا  ممكن ابكى فى  حضنك من  غير  كسوف

زى العيل  الصغير  مستنى امه  تهننه  وتسكته

وتمسح  دمعته 

هو انا  ممكن  اتشحتف على صدرك  زى  العيل  
اللى ضاع منه المصروف  

لانى  عرفتك  متاخر فى اخر  عمرى  

هو انا  ممكن  ابوس  اديكى  لانى لاقبت فيكى امى  

حنانها  وطيبتها  وقلب  الكبير 

هو انا  ممكن ابوس  راسك لانك اختى  
بتحتوينى  وتشيلينى  وتشاكسينى  

هو انا  ممكن اشيلك فوق راسى  زى  العيال  الصغيريين  نلعب  مع بعض 
لانك صاحبى  ومش بتكسف فى اى  حاجه  وانا  معاكى  

انتى  عمرى واملى  وقلبى  
واعملى  معروف  اوعى تسيبنى 
انا  مغيب فى  حبك

ــــــــــــــــ
اسف على  الانقطاع ولكنها ظروف  اعلم ربى  بها 

2 التعليقات:

شمس النهار يقول...

كل سنة وانت طيب وبخير وسعادة

لــــ زهــــــراء ــــولا يقول...

هو انا ممكن ابكى فى حضنك من غير كسوف

زى العيل الصغير مستنى امه تهننه وتسكته

وتمسح دمعته

هو انا ممكن اتشحتف على صدرك زى العيل
اللى ضاع منه المصروف

......................ز
تحفة
تحفة
تحفة


لانى عرفتك متاخر فى اخر عمرى
..................................
مش مهم اللي ضاع الاهم اللي جاي


عوداً حميداً(:


لولا

Related Posts Plugin for WordPress, Blogger...