الحب ثقه

الثلاثاء، 9 نوفمبر، 2010



ليه الايام تدور فى فلك دايما فيه الحزن
هو اللى بيكون  رفيق

ليه كده لازم نقاسى  ونبكى علشان  الشوق البعيد

ليه كده لازم علينا نتعب ونشقى من جديد

الحب مش سهل
ولا كلمه  بين اتنين
انا تعبت من الاسى 
ومن القسوة من حبيبى 
ومش هسامحه
لانه ظالمنى 
ومكنتش احسب انه كده
قاسى عليا 
وبخل عليا بحنيته
مع ان ده حقى 
وده لازم عليه 
بس هو قاسى وبخيل 
ومقدرش اقسى عليه
ومقدرش اقول عليه انانى 
علشان  انا اخترته من
بين كل اللى حوليه 
انا تعبت منه
وزعلان منه 
ومش متعود اقسى عليه
__________________
فضفضه عن الحب
برضوا مش منتظمه 
________________
زعلان منه

29 التعليقات:

شيرين سامي يقول...

رقيقه و حزينه لكن هذه ضريبة الحب فرح يتبعه حزن و حزن يتبعه فرح
تحياتي

همسات وبحــ الحياه ــر يقول...

:(:(

:(:(

Ramy يقول...

عارف يا محمود

حتى لو دة حصل منها

مش عارف

مش هقدر أزعل منها

كلمات حلوة يا محمود

mrmr يقول...

كلماتك رقيقه
وبرضه ماتزعلش منها ولا تقسى عليها
ممكن يكون غصبن عنها
التمس العذر يا محمود
ربنا يفرح قلبك

همسات وبحــ الحياه ــر يقول...

ماهو انا مش لاقيه تعليق والله
لانى وانا بقره دمعت
بيصعب عليا ان احب حد ويطلع قاسى
فكرنى كلامك بكلام خطيبى ليا قبل مااسيبه بس انا مكنتش قاسية
فيمكن انت كمان ظالمها بحكمك!!
مش لاقيه تعليق :(

الحب الجميل يقول...

وانا كمان زعلانه منه
من الحب يعنى
ههههههههههههه
بوست جميل يا حودااا
تسلم ايدك

ذو الوجه المبتسم يقول...

كل سنة وانت بخير
عيد مبارك عليك

اجمل ما فى الكلمات ارتجاليتها والاحساس بها وانها طالعة من جواك بدون استاذان
مش محتاجة تنظيم

تحياتى

ساسو يقول...

اكيد الحب ثقه
بس مش كل حاجه تتفهم انها عدم ثقه

المفروض تقدر ظروف حبيبك
تبقي معاه واحده واحده
مش تحكم عليه حكم يدمره
وهو اكيد مظلوم
الحب زي ما هو ثقه
هو كمان تسامح

لما تتعلم تحب
تتعلم تسامح وتعفو بجد

تتعلم تبقي اقوي من اي كلام

تتعلم تحافظ علي قلب حبيبك
مش تجني عليه

ربنا يفرح قلبك

جايدا العزيزي يقول...

محمود

اعلم ان كل كلمه تكتبها من قلبك

هى لحن جميل

بس ليه شايفه الحزن ما بين السطور

وحاسه انك مش قاسى وهتسامح


رغم كلماتك

ما اجملك

تحياتى

شمس النهار يقول...

دي شكوي وانين من بخل حبيب

دي اقسي شئ في الحب بخل احد الطرفين في اظهار المشاعر والحنيه

كتبتها حلو اوي

:)

ميـكانـو يقول...

طمنها عشان تاخد حنيتها :)

re7ab.sale7 يقول...

حلوة اووي
بس صحيح طمنها وحسسها بالامان عشان متزعلش او تحس بجفاها ...اكتر شيء بيضايق البنات انها تحس ان مفيش اهتمام او انك بعيد او انك مش محسسها بالامان ....بتمني لك كل خير

MTMA89 يقول...

كلام جميل جدا يا محمود
لكن الحب ميكنش حب من الم و اشتياق
و حبيبك لازم هيكون ليك في يوم الايام
مهما طال

محمد
:)

florieda يقول...

ليه كده لازم نقاسى ونبكى علشان الشوق البعيد

ليه كده لازم علينا نتعب ونشقى من جديد


ما هو عشان نفوز بشخص بنحبه يبقى لازم نتعب عشانه

كلام من قلبي يقول...

كلمات رقيقة وحزينة
بس البيحب بيسامح
تحياتي

محمود(باحث عن حب) يقول...

شرين سامى
شكرا على تعليقك
وسعيد بتواجدك
فعلا تلك ضريبه الحب
فرح وحزن يتبع بعضه بعضا

محمود(باحث عن حب) يقول...

رامى
حصل
وشويه زعل ومصالحه
يارب يقرب البعيد
سا رامى
منورنى

محمود(باحث عن حب) يقول...

مرمر
التماس الحب موجود ولازم يكون من الطرفين
بس لازم ازعل
ولازم اصلح
لانى
احب

محمود(باحث عن حب) يقول...

دموع
الموضوع تقدير ظروف بعض
مش تلكيك ولا ظلم منى
تعرفى
الموضوع كله حوار
لازم حوار وبهدوء
علشان نوصل للحل المرضى
ولا ايه
يارب يعوض عليكى يارب

ونفرح فيكى
اه
اقصد
بيكى

محمود(باحث عن حب) يقول...

ام لولو
لازم نزعل ونتصالح
ولازم نحب علشان من غير حب
االدنيا ملهاش طعم
منورانى دايما

محمود(باحث عن حب) يقول...

ذو الوجه المبتسم
شرفتنى ونورتنى
يارب يخاليك
ويبارك فيك
فعلا
كلام
من غير استأذان طالع من النخاشيش
منورنى

محمود(باحث عن حب) يقول...

ساسو
لما تتعلم تحب
تتعلم تسامح وتعفو بجد

تتعلم تبقي اقوي من اي كلام

تتعلم تحافظ علي قلب حبيبك
مش تجني عليه
صح
كلنا بنتعلم نحب

الحب تسامح
عفو محافظه على قلب الحبيب تقدير ظروف
بس فى حاجات اقوى من اى حد
حاجه كده زى الشلال مش عارف اوقفه حتى ولو ظلمته او فهمته غلط او فهمنى غلط
العائل الوحيد الصدق والاخلاص وان
الواحد يرجع من تانى دى البدايه الحب مش محسوب والعقل مغيب عنه بس شويه قدام العقل يدخل فى الحسبه ونسمع بعض
ونسامح بعض
ونعفوا عن بعض
الحب كده ضرب نار وحنيه واحتواء
معلش طولت
اعجبنة تعليقك رائع
دمتى بعز

محمود(باحث عن حب) يقول...

جايدا
مسامح من قبل ما ازعل
مسامح من قبل ما اعرفها
لانها حبيبه قلبى
معلش طيش قلب
منورانى
والله

محمود(باحث عن حب) يقول...

شمس النهار
ي شكوي وانين من بخل حبيب

دي اقسي شئ في الحب بخل احد الطرفين في اظهار المشاعر والحنيه
الله
وصفتى حالتى والله
يبارك


فيكى ربنا

محمود(باحث عن حب) يقول...

ميكانو
منورانى
والله
ربنا يبارك
فيكى
طمنطها
خلاص

محمود(باحث عن حب) يقول...

رحاب
عندك حق
طمنتها
واكلت اكل من حبها
واعطتنى
شوقها
وجبرت خاطرها
شكرا على مرورك اللى اسعدنى

محمود(باحث عن حب) يقول...

محمد
فين مدونتك
؟
سعيد بتواجدك
والله
الحب لازم من الم واشتياق

والا هيكون حب
ملهوش طعم

محمود(باحث عن حب) يقول...

florieda
صح اللى يحب لازم
يتعب
منورانى والله
وسعيد
بيكى والله

محمود(باحث عن حب) يقول...

كلام من قلبى
شكرا ليكى
منورانى

Related Posts Plugin for WordPress, Blogger...