اسف حبيبتى+تحديث

الأحد، 26 سبتمبر، 2010

اسف الكلمات مش مترتبه 
كالعاده خالص


كلمات اهديها الى 
مالكه 
قلبى




اسف حبيبتى 
انا  مش انانى 
بفكر فى نفسى 
ونسيتك 


اسف حبيبتى 
ظروفى وحشه وحبى ليك 
لازم افكر فى حاجه ليكى 
ومش علشانى 
علشان حبيبتى 
مش عرف افكر 
عاوز قلبك  يفكر معايا 
وانتى لمستى 
حبى 
وودى 
وبحس باقلبك 
انك حبيبتى 
ومليش فى الدنيا دى 
غير قلبك

اسف حبيبتى 

لو اقدر انى اضحى بحياتى 
علشان اوصل  لدموع قلبك 
اشيها منك
بس الحقيقه انى ضعيف
وبحبك انتى حكون  قوى 
متزعليش
وافهمنى 

وافهمينى 
افهمينى 
اسف حبيبتى 


مقصدش  انى اجرحك
مقصدش انى 
اخلى عنيك تزعل منى 
مقصدش انى 
اتعب قلبك 
لانى ببساطه
مستهلكيش

اسف حبيبتى
سامحينى 
سامحينى 
وفكرى وفكرى لى 
اعلم ايه 
وانا قليل الحيله 
وانتى جميله
وانتى حبيبتى 
انتى حبيبتى 
طلبت منك  تسمعى 
طلبت منك تفهمى 
قفلتى قلبك 
وسمعتى 
صوت الدموع  
فيين عقلك 
فكرى 
فهمينى لو غلطت 
انتى امى  وحبيبتى 
علمينى 
ازاى افكر
ومتزعليش
اسف حبيبتى 

حبيبتى 
متزعليش منى 
ياريت 
انا  اسف جدا
لو زعلتك

مش عارف افكر فى اللى حصلى 
وجيت عليكى 
ياريت تسامحينى 
وتعالى نفكر مع  مع بعض
خايف انك تضيعى منى



حبيبتى 
ساره 
زعلانه منى 
متزعليش
منى



18 التعليقات:

mrmr يقول...

تصدق انها مش خواطر وبحق وحقيقى
انت يا واد بتاكل بعقلنا حلاوه وتقول انها خاطره ومنتظر الحبيبه

المره دى مش ح ابلعها بلعتها كتير
اقصح واوضح وقووووول ..
كلماتك فضحتك خلاص يا معلم

انت عمال تقولهااهووووو سامحينى .. سامحينى ... اللى عنده الاحساس ده لا يمكن ابدا يكون خاطره نهائى

على العموم احنا نفرحلك
مبرررررروك

وانا من منبرى هذا بقولها سامحيه ينوبك فيه ثواااااااب
هههه

ربنا يسعدك يا حوده

Ramy يقول...

ايه الكلام دة يا عم

بجد يا محمود كلام كتير من دة الواحد بيقوله بس مش عارف هما مش حاسيين

و لا الواحد اللى رومانسى زيادة

تسلم ايدك يا محمود

التحديث هو الأسم و لا ايه (:

ربنا يوفقك يا محمود

و إلى لقاء بأذن الله فى أسكندرية بس أدعى كدة اقدر اجى (:

شهرزاد يقول...

ساره بليز ماتزعليش من محمود دا طيب وبيحبك
كفايه ان كتب لك هذه الكلمات
اقريها علشان تحسي ان متلغبط خالص
محمود روح صالحها وبلاش تقف في الزاويا تنتظر انها تحل لوحدها
قاوم من اجل حبك
ربنا يسعدكم
اوعى لما تتصالحوا ما تكتبش حاجه
بالتوفيق

ساسو يقول...

اى انسانه تشوف الكلام ده ومتسامحش تبقى متعرفش معنى الحب
لازم تقف جنبك
وتعلمك
وتفهمك
وبحبها تقويك
وتحافظ عليك
وتوهبك قلبها
لان هو دا الحب الحقيقي

gogo!sf يقول...

طبعا الكلام مش مرتب زى ما انت قولت
لكن عدم ترتيبه خلى الكلام واضح وصريح وطالع من القلب والعقل
واثبت اد ايه انت بتحبها ومش قادر تعمل حاجه عشان تحافظ عليها وده غظب عنك اكيد وهى لو مش متفهمه الموقف فده لشده حبها ليك
الحب الحقيقى يا محمود والتفاهم والاحترام بيعوض عن كل حاجه صدقنى مهما كانت الظروف
بكل بساطه اذا تخليت عن حبك وانت فى ظروف ضيقه بكرة هتتحسن ظروفك ومش هتلاقى حبك تانى
انما اذا عافرتم سوا بحبكم والله هتتحسن ظروفكم وهيقوى حبكم اكتر
اسئل مجرب والنتيجه انت شوفتها على الفيس بوك

اتمنى الا تكون تجربه شخصيه لانها بجد مؤلمه
لك حريه الاختيار فى نشر التعليق

تحياتى
عاشقه الاحزان

الحب الجميل يقول...

عارف يا حودا
لو سارة شافت الكلام الجميل دا اكيد هتسمحك وهتكبر فى نظرها اكتر وتحبك وتتمسك بيك عن الاول
لان انت بجد انسان طيب
ربنا يسعدك يارب مع من اختارة قلبك
وانا من هنا بقوووولك يا سارة الحج حودا دا جدع خليكى وراااااااه
ههههههههههههه
وسمحيه لانه بيحبك اوى
هتقوليلى وايش عرفك
هقولك من احساس كلماته
ربنا يسعدكم يارب
بوست رائع
تسلم ايدك

طوبه فضه وطوبه دهب يقول...

ربنا يهدى الامور بنكم ويرجعكم لبعض ويجمعكم على ما يحبه ويرضاه اللهم امين

عمرو يسرى يقول...

اسف حبيبتى سامحينى سامحينى
هو انت عملت ايه يا محمود ههههههههه
شكلك عامل كارثه ههههههه
هتسامح ان شاء الله
سامحيه بيحبك

جايدا العزيزي يقول...

اخ محمود

حتى لو كانت الكلامات مش مترتبه

فاعتقد انها مفهومه

واكيد اكتر انسانه ممكن تفهمها وتحسها

هى حبيبتك سارة

وعايزة ااقولها ياسارة اللى بيحب بجد

بيسامح وبينسى قسوة امبارح


وكفايه كلمه اسف

اعتقد ان مش بسهوله الراجل يتأسف

بسهوله فى المجتمع الشرقى حتى

ولو كان مخطئ

وان دل ذلك على شئ فنما يدل على حبه

واحترامه ولقد فهمت من خلال الكلامات


انه يخاف على مستقبلك ويضحى بسعادته

من اجل سعادتك

ويتمنى الخير لك والافضل

والنبى فيه حب اكتر من كدة

بس ايه رأيك عاد بسرعه

ليعلن انه يتمناك


سماح بقى يا قمر المرةدى

وانت يا حودة بلاش تزعل سارة

انها تجد سعادتها معك فقط

ولا تشغلها العوائق ولا تفكر بالكماليات

كفايه حصيرة

وبصلة المحب خروف

ربنا يوفقكم

تحياتى

محمود(باحث عن حب) يقول...

مرمر
هههههههههههههه

ايوة حقيقه طبعا
دى نور عينى
واقولك ايه
نمسك الخشب بقه
ههههههههههههه
يارب يعزك يارب
يا مرمر
ايوة كده
خليكى ورايا
واتوسطيلى عندها

محمود(باحث عن حب) يقول...

رامى
ممكن
نكون
رومانسين شويه
يارامى ممكن
بس الحب طعمه حلو
يارامى
مع انى لسه بتعلم
منتورنى
يا رامى

محمود(باحث عن حب) يقول...

شهر زاد
محمود روح صالحها وبلاش تقف في الزاويا تنتظر انها تحل لوحدها
قاوم من اجل حبك

كلمتين فى المكان الصح
ايوة كده
يارب يعزك يارب

انا بحبها قوى
وحاسس انى
بحبها اكتر منها
وبقولها اهو
هههههه

محمود(باحث عن حب) يقول...

ساسو

متعرفيش ساره
دى انسانه
حلوة واموره
وقلبها طيب وحنون
ورقيقه قوى
قوى
زى البسكوته كده
اخاف عليها من النسمه من الهمسه
حبيبتى بقه
كلامك صح
والله
ومفيش كلام تانى ممكن اقوله
شكرا لكى

محمود(باحث عن حب) يقول...

جوجو

الحب الحقيقى يا محمود والتفاهم والاحترام بيعوض عن كل حاجه صدقنى مهما كانت الظروف
بكل بساطه اذا تخليت عن حبك وانت فى ظروف ضيقه بكرة هتتحسن ظروفك ومش هتلاقى حبك تانى

بس كده
مفيش كلام تانى

اي نعم
تجربه حقيقيه
خايف قوى
انها تطير
من ايدى
انا مش ببالغ
فى الكلام عنها
لانها تستحق كل خير
بحبها
قوى
شكرا لكى

محمود(باحث عن حب) يقول...

الحب الجميل

وانا من هنا بقوووولك يا سارة الحج حودا دا جدع خليكى وراااااااه
ههههههههههههه
وسمحيه لانه بيحبك اوى
هتقوليلى وايش عرفك
هقولك من احساس كلماته

يارب يعزك
يارب
منورنى دايما
مفيش كلام تانى
كلامنك كلكم حلو قوى
بس يارب يكون
فى المكان الصح

محمود(باحث عن حب) يقول...

دهب
اللهم امين
يارب يتقبل يارب

محمود(باحث عن حب) يقول...

عمرو يسرى
طبعا
اانا عملت كارثه
منورنى والله
يا استاذ عمرو

محمود(باحث عن حب) يقول...

جايدا
ايه الكلام الجامد ده
بجد
ربنا يعزك
ويسعد قلبك
وايامك
كلام فى الصميم
بس
الموضوع كله
ان الواقع
ميحبش المثاليه دى
انا ممكن
ساره البنيه ممكن
وترضى
لو كانت بتحب بجد
انما الاهل
لما اتخذ خطوات جاده
اكيد الاهل
مش هيرضوا بالبصله
يا اختى العزيزه
لان كل اهل عاوزين بنتهم فى احسن حال
بجد
معادله صعبه
قوى ومش هقدم على الخطوه دى غير لما اكون اهل ليها
وكمان اخاف عليها تتأخر بسببى
فعلا
موضوع صعب
وعاوز صبر
وفكر وجهد
وصدق
يااه
الحياه صعبه
للدرجه دى
بجد
مكنتش فاكر ان الدنيا صعبه
وكلها كلكيع كده
ربنا يصلح احولنا
سعيد بتعليقك جدا
والله

Related Posts Plugin for WordPress, Blogger...